પાકિસ્તાનમાં ખૈબર પ્રાંતના CM સાથે મારપીટ
પાકિસ્તાનના ખૈબર-પખ્તુનખ્વા રાજ્યના મુખ્યમંત્રી સોહેલ આફ્રિદીને પોલીસે ગુરુવારે રસ્તા પર પાડીને માર માર્યો. સોહેલ પૂર્વ વડાપ્રધાન ઈમરાન ખાનના સમર્થનમાં પ્રદર્શન માટે રાવલપિંડીની અડિયાલા જેલ પહોંચ્યા હતા.
રિપોર્ટ્સ અનુસાર આ કાર્યવાહી સેનાના નિર્દેશ પર કરવામાં આવી હતી. સોહેલ આફ્રિદી પોતાના ઘણા PTI ધારાસભ્યો અને સમર્થકો સાથે અડિયાલા જેલની બહાર એકઠા થયા હતા.
જેલ પરિસરની બહાર ભારે સુરક્ષા તૈનાત હતી અને PTI સમર્થકોની ભીડ સતત વધી રહી હતી. ગુરુવારે જ્યારે KPના મુખ્યમંત્રી આફ્રિદી પોતે જેલ પહોંચ્યા, ત્યારે પરિસ્થિતિ વણસી ગઈ.
પોલીસે તેમને અને તેમની સાથે આવેલા નેતાઓને આગળ વધતા રોક્યા. ધક્કા-મુક્કી દરમિયાન પોલીસકર્મીઓએ CMને લાતો અને મુક્કા પણ માર્યા અને જમીન પર પાડી દીધા. PTIએ આ ઘટનાને લોકતાંત્રિક અધિકારો પર હુમલો ગણાવ્યો છે.
